Миллиардер Илон Маскнинг Neuralink нейротехнология компанияси биринчи марта инсон миясига имплант ўрнатди. Бу ҳақда тадбиркор ўзининг Х (собиқ Twitter) ижтимоий тармоғидаги саҳифасида маълум қилди.
“Neuralink имплантини бир киши олди, (операциядан кейинги) тикланиш жараёни яхши кетмоқда”, — деб ёзган Маск.
Нейрочип Bluetooth орқали гаджетларни бошқариш имконини беради. Лойиҳа 2016 йилда бошланган, бироқ илгари тадқиқот фақат ҳайвонлар устида олиб борилган. Компания асосчиси Илон Маск бемор ўзини яхши ҳис қилаётгани ва биринчи натижалар аллақачон истиқболли эканини ёзган.
“Чип телефон ёки компьютерингизни ва улар орқали деярли ҳар қандай қурилмани шунчаки фикр кучи билан бошқариш имконини беради. Дастлабки фойдаланувчилар ўз оёқ-қўлларини бошқариш қобилиятини йўқотганлар бўлади. Тасаввур қилинг, Стивен Хокинг машинист ёки аукциончига нисбатан тезроқ мулоқот қила олса. Мақсад шу”, — дейди Маск.
Янги маҳсулот “Телепатия” деб номланади. Қурилма қабул қилувчи капсуладан иборат бўлиб, эшитиш воситаси каби қулоқ орқасига ўрнатилади. Ундан ипга ўхшаш электродлар мияга узатилади. Умуман олганда, мияга 1,5 мингтагача электродлар жойлаштирилади. Уларнинг ҳар бири инсон сочидан тўрт марта юпқароқдир.
Изоҳ (0)