Нью-Йорк федерал суди жума куни АҚШнинг собиқ президенти Дональд Трамп ёзувчи ва шарҳловчи Элизабет Жан Керроллга туҳмат учун 83 миллион доллардан ортиқ товон тўлаши керак, деб топди.
11 миллион доллар ёзувчининг обрўсига етказилган зиён учун, 7,3 миллион доллар руҳий зарар учун ва жазо тариқасида яна 65 миллион доллар, деб ёзади NBC News.
Трампнинг ўзи ҳам ҳукм эълон қилинишини кутмай, ҳакамлар ҳайъати қарор чиқаргунча суд биносини тарк этди.
Кейинчалик у Truth Social ижтимоий тармоғида ҳакамлар ҳайъати қарорини “мутлақо кулгили” деб ҳисоблагани ва қарор устидан шикоят қилмоқчи эканини ёзган.
Керол суд биносини тарк этар экан, вазиятга изоҳ бермади. Аввалроқ у собиқ президентни таъқиб ва туҳмат учун судга бериб, 5 миллион доллар ундирган эди.
Изоҳ (0)