“Меҳридарё” лойиҳасига Қашқадарё вилояти Китоб туманида яшовчи Очилова Маҳсура мурожаат қилиб, ёлғиз ўғлини даволатиш учун халқдан қайта ёрдам сўради.
— Уч нафар фарзандим бор. Ёлғиз ўғлим Самир Исомиддинов 2020 йилдан бери оққон касаллиги билан курашиб келяпти. Шу кунгача 24 курс кимё терапия муолажаларини олди. Аммо шифокорлар боламнинг тўлиқ соғайиб кетиши учун илик кўчириш операциясини ўтказиш кераклигини айтяпти. Бу амалиёт Ўзбекистонда ўтказилмайди, боламни Ҳиндистон ёки Туркияга олиб боришимиз лозим. Давлатимизга раҳмат, Туркияда ўтказиладиган операция учун 70 минг АҚШ доллари тўлаб берадиган бўлди. Аммо йўл пули ва яшаш харажатларини ўзимиз қоплашимиз керак. Ўғлимга катта қизим донорлик қиляпти. Шу боис, оиладан тўрт киши Туркияга боради. Операциядан кейин тўрт ой хорижда яшашимиз керак.
Икки йил аввал уйимиз ва машинамизни сотиб бўлганмиз. Чунки кимё муолажалари ҳам жуда қиммат. Шу кунгача жуда кўп инсонлар ёрдам қўлини чўзди. Агар имконим бўлганида, яна кўмак сўрамаган бўлардим. Аммо иложсизман, бор умидимиз шу операциядан. Яхши инсонлар, мен учун эмас, 7 ёшлик боламнинг ҳаётга қайтиши учун ёрдам беринглар. Ҳеч бир она фарзандининг дардини кўрмасин экан. “Она, мен ҳам мактабга бораманми? Қачон тузаламан?”, деган гапларини эшитганда кўнглимдан нималар ўтишини тасвирлаб беролмайман, — дейди Маҳсура Очилова.
Самир Исомиддиновга хайрия қилишни истасангиз,
8600 0609 7042 0973
4073 4200 3753 6293 (Очилова М)
Мурожаат учун: +99899) 193 89 99
Изоҳ (0)