Тўйлар ўзбек шоу-бизнеси вакилларининг асосий даромад манбаи ҳисобланади. Кулги усталари ўзларининг қизиқарли ҳангомалари билан тўйнинг янада файзли ўтишига ҳисса қўшади. Хўш, уларнинг пойтахт тўйларига бориб меҳмонларга хуш кайфият улашиб кетишлари тўй эгасига қанчага тушади?
Мирзабек Холмедов
Ўзбекистонда хизмат кўрсатган артист Мирзабек Холмедов 200 доллар эвазига тўйингизда ўзининг ичакузди ҳангомаларини айтиб беради.
Валижон Шамсиев
Мирзабек Холмедовнинг шогирди Валижон Шамсиев 250 доллар эвазига тўйингизга ташриф буюради.
Боря тахаллуси билан ижод қилувчи актёр ва сўз устаси Санжар Шодиевнинг хизмат ҳақи ҳам — 250 доллар.
Шукурулло Исроилов
Таниқли сўз усталари Шукурулло Исроилов ва Зокир Очилдиевларнинг пойтахт тўйларида меҳмонларга кўтаринки кайфият улашишлари нархи бир хил — 300 доллар этиб белгиланган.
“Қаҳқаҳа” гуруҳидаги ота-ўғил
“Қаҳқаҳа” гуруҳидаги ота-ўғил тўйингизга ташриф буюришини истасангиз 300 доллар тайёрлаб қўйинг.
Аваз Охун
Таниқли сўз устаси Аваз Охун тўйингизни ўзининг қизиқарли ҳангомалари билан ўтказиб бериши 400 долларга тушади.
Жамшидбек Норматов
Жамшидбек Норматовнинг Тошкентдаги тўйларга бирровга келиши нархи эса 400 доллар.
“Дизайн” кулги жамоаси актёрлари
“Дизайн” кулги жамоаси актёрлари Саъдулла, Қобилбек ва Дишодбек Мусабековлар тўйларда иштирок этиши учун уларнинг ҳар бирига 400 доллардан тўланиши керак.
“Ҳандалак” дуэти актёри Ортиқ Султонов
“Ҳандалак” дуэти орқали элга танилган қизиқчи Ортиқ Султонов Самарқанддан келиб кетишини ҳисобга олган ҳолда тўйдаги бирров нархини 600 доллар қилиб белгилаган.
Элмурод Ҳақназаров
Эрик Ҳайдаров тахаллуси билан ижод қилувчи сўз устаси Элмурод Ҳақназаров 700 доллар эвазига тўйингизга келиб, ўзининг қизиқарли ҳангомаларини айтиб беради.
Изоҳ (0)