Москва шаҳар суди Федерал хавфсизлик хизмати собиқ офицери Игор Стрелковни (Гиркин) “экстремизмга даъват”да айблаб, тўрт йилга озодликдан маҳрум қилди. Бу ҳақда Медиазона суд залидан хабар берди.
Шунингдек, Стрелковга уч йил давомида веб-сайтларни бошқариш тақиқланган. Россия прокуратураси Стрелковни 4 йилу 11 ойга озодликдан маҳрум қилишни сўраган. Унга қўйилган модда бўйича энг кўп жазо беш йиллик қамоқдир.
Стрелковга қарши жиноий иш 2023 йил июль ойида қўзғатилган. Бунга телеграм каналида ноқонуний аннексия қилинган Қрим ва ўз ўзини мустақил деб эълон қилган ДХР ҳарбий хизматчиларига тўловлар тўғрисидаги иккита пост сабаб бўлган. Аввалроқ Гиркин Россия президентлигига номзодини қўймоқчи эканини маълум қилганди, эндиликда унга нисбатан қўлланилган қамоқ жазоси бунга йўл қўймайди.
- Стрелков аввалроқ халқаро Гаага суди томонидан 2014 йилда 298 кишининг ўлимига сабаб бўлган Маласиа Airлинес MH17 рейсига уюштирилган ҳужумда иштирок этгани учун сиртдан умрбод қамоқ жазосига ҳукм қилинган эди. Гиркин 2014 йилда ўзини ўзи мустақил деб эълон қилган Донецк халқ республикаси (ДХР) қўшинларига раҳбарлик қилган.
Изоҳ (0)