НTV телеканалидаги кўрсатувда рус тарихчиси Михаил Смолин 1917 йилги инқилобгача ўзбеклар халқ сифатида мавжуд бўлмагани ҳақида гапирганди. Россия Ташқи ишлар вазирлиги расмий вакили Мария Захарова Смолиннинг баёнотига изоҳ бериб, бу тарихчининг шахсий фикри эканини айтди.
“Россия ва Марказий Осиё мамлакатларини умумий тарих ва инсонпарварлик алоқалари, савдо-иқтисодий муносабатлар боғлаб туради. Бизнинг чинакам яқин ҳамкорлигимиз, стратегик шериклигимиз ва аксарият ҳолларда иттифоқдошлигимиз бир-бирига ҳурмат ва маданиятлар мулоқотига асосланган.
Ишончимиз комилки, Марказий Осиё минтақасининг суверен ва мустақил давлатлари бундай муносабатларнинг аҳамиятини тўлиқ тушунади.
Қайд этилган ғалати баёнотлар табиатан соф субъективдир, юқорида айтиб ўтилган воқеликлар билан ҳеч қандай умумийлик йўқ ва бу бутунлай муаллифнинг виждонига ҳавола”, — деди Захарова.
21 январь куни Владимир Илич Ленин вафот этганига 100 йил тўлиши муносабати билан “Учрашув жойи” ток-шоусида рус шовинист тарихчиси Михаил Смолин “инқилобдан олдин озарбайжон, ўзбек ва қозоқлар ҳеч қачон бўлмаган”, деган даъво билан чиққанди.
“Қозоғистон қандай пайдо бўлганига қаранг! Дарҳақиқат, дастлаб РСФСР таркибида Қозоғистон ССР деб аталган, унгача қозоқлар умуман йўқ эди. Миллатларнинг шаклланишига оид қарорлар шу қадар ихтиёрий қабул қилинган.
Ўзбеклар, масалан, инқилобгача ҳеч қачон бўлмаган, бундай ном йўқ эди. Марказий Осиёнинг бир қанча халқларидан ўзбекларни олиб, яратдилар.
Озарбайжонлар кимлар, бундай миллат йўқ”, — деган Смолин.
Эслатиб ўтамиз, аввалроқ Россия ТИВ ёзувчи Захар Прилепиннинг шу мазмундаги баёнотига ҳам жавоб қайтарган ва унинг сўзлари Москванинг расмий позициясини акс эттирмаслигини билдирган.
Изоҳ (0)