Германия Украинага олтита кўп мақсадли Sea Кing вертолётларини етказиб беради, деди Германия мудофаа вазири Борис Писториус Украина мудофааси бўйича Рамштейн форматидаги алоқа гуруҳининг онлайн йиғилишида. Унинг сўзлари вазирликнинг Х ижтимоий тармоғидаги саҳифасида эълон қилинди.
“Sea Кing — ишончли ва кучли вертолёт бўлиб, у украиналикларга кўп соҳаларда ёрдам беради: Қора денгиз устидан разведка ўтказишдан тортиб, ҳарбий хизматчиларни ташишгача. Бу Германиядан бундай турдаги биринчи таъминот”, — деди вазир.
У вертолётларни етказиб бериш санасига аниқлик киритмади.
Вазир, шунингдек, аҳолини ҳимоя қилиш учун Киевни ҳаво ҳужумидан мудофаа тизимлари билан таъминлаш зарурлигини таъкидлади.
“Страна.ua” ёзишича, Германия Киевга фойдаланишдан чиқарилган вертолётлар беради.
Украина мудофаа масалалари бўйича алоқа гуруҳининг Рамштейн форматидаги 18-йиғилиши 23 январь куни онлайн режимда бўлиб ўтди. Унинг якунларига кўра, Украина Мудофаа вазирлиги спикери Илларион Павлюк 2024 йилда Киевга аввал етказиб берилмаган қуроллар келишини айтди.
Изоҳ (0)