Ўзбекистонда камида 68 нафар боланинг ўлимига сабабчи бўлган сироп воқеаси бўйича бўлиб ўтаётган суднинг навбатдаги мажлисида Фармацевтика агентлигининг “Док-1 Макс” бўйича судланаётган собиқ раҳбари танасида жароҳатлар аниқланмагани маълум қилинди. Бу ҳақда судда қатнашган “Дарё” журналисти хабар берди.
Судья Мусо Юсуповнинг маълумот беришича, тиббий экспертиза 15 январь куни ўтказилган бўлиб, экспертиза давомида собиқ амалдорнинг танасида тан жароҳатлари аниқланмаган. Шунингдек, судланувчидаги мавжуд умуртқа поғонасидаги чурра касаллиги унинг ҳибсхонада сақланишига тўсқинлик қилмайди.
Суднинг 2024 йил 12 январь куни ўтказилган мажлисида Фармацевтика агентлигининг собиқ раҳбари С.К.га нисбатан суд тиббий экспертизаси тайинлангани, бунга айбланувчи адвокатининг бу ҳақидаги сўрови сабаб бўлгани айтилганди.
Судланувчининг адвокати Темур Раҳматов суд ҳайъатига илтимоснома киритиб, С.К.нинг тергов давомида қийноққа солингани, ғайриқонуний тарзда сўроқ қилиниб, руҳий ва жисмоний босимларга учраганини айтганди. Ҳамда ҳолатни суд тиббий экспертизаси орқали аниқлаштиришни илтимос қилганди.
Изоҳ (0)