Интенсив машғулотлар, вазн йўқотиш ва вазн ортиши актёрлар роллари ишонарли чиқиши учун мажбур бўладиган нарсалардан фақат бир нечтаси холос. Кино юлдузлари ўз ролларига қандай тайёргарлик кўрганлиги ҳақидаги қуйида берилган фактлар аксар актёрлар қизил гиламга чиқиш учун кўп меҳнат қилишлари кераклигини исботлайди.
Гвендолин Кристи
Гвендолин Бриэннинг ролини олишга шунчалик иштиёқманд эдики, 6 ҳафта давомида бор кучини кастингга тайёрланиш учун сарфлайди. У кикбоксинг, ёга билан шуғулланади, ҳатто диетасини қайта кўриб чиқади ва 9,5 килога озади. Ниҳоят у ролга тасдиқлангач, машғулотлар янада қийинлашади.
Бироқ актриса учун энг оғири узун сочларидан ажралиши эди. У ўзини биринчи марта калта сочда кўрганида, йиғлаб юборади ва 2 соатгача тинчлана олмайди.
Шарлиз Терон
“Талли” (2018) фильмидаги уч фарзанднинг онаси роли учун Шарлиз Терон 22 килограммга семирган. Бу актрисанинг нозик фигураси бузилишининг биринчиси эмас — “Махлуқ” (2003) драмасида у 14 кг вазн орттирган.
Аммо бу сафар Шарлиз нохуш оқибатларга дуч келади. Биринчидан, рациондаги кўп миқдордаги зарарли озиқ-овқат ва шакар туфайли актриса ҳаётида биринчи марта тушкунликка тушиб қолади. Иккинчидан, 42 ёшида вазн йўқотиш 27 ёшидагидек осон эмаслиги маълум бўлади. У яхши ухлолмайди, ўзини ёмон қилади ва зўрға юрарди. Натижада олдинги қоматига қайтиши учун 1,5 йил ўз устида ишлаш ва соғлом овқатланиши керак бўлади.
Рейчел Макадамс
Рейчел режиссёр Терренс Малик билан ишлашни шунчалик орзу қилардики, унга от юнгига аллергияси борлигини ва отлардан қўрқишини айтмайди. У ҳайвонлар билан суратга тушишда муаммо бўлмайдими, деб сўраганида, актриса уларни яхши кўришини айтади. Оқибатда “Мўжиза томон” (2012) фильмини суратга олиш пайтида аллергиядан кўзлари шишиб кетади ва деярли ҳеч нарсани кўрмайди.
Адриэн Броуди
“Пианиночи” фильмини суратга олиш учун Адриан ҳаётнинг одатий қувончларидан вақтинча воз кечишга қарор қилади: у севгилиси билан ажрашади, квартирасидан чиқиб кетади, машинасини сотади ва телефонларини ўчириб қўяди.
Бастакор Владислав Шпилман образига яхшироқ кўникиш учун Броуди кунига 4 соат пианино чалар, оч қолиб ўзини қийнарди. Шундоқ ҳам озғин актёр яна 14 кг вазн йўқотади.
Никол Кидман
Никол “Мулен Руж!” фильмида ажойиб кўринишни шунчалик хоҳлайдики, корсетни иложи борича қаттиқроқ боғлайди. У белини 46 сантиметргача тортмоқчи эди — худди “Шамолларда қолган ҳисларим” фильмидаги Вивен Ли каби. Бир куни актрисанинг “Қаттиқроқ, ундан ҳам қаттиқроқ тортинглар!” деган талабидан сўнг кастюмерлар корсетни шунчалик қаттиқ тортадиларки, Николнинг қовурғаси синиб кетади.
Деми Мур
“Аскар Жейн”даги роли учун 35 ёшли уч фарзанднинг онаси ҳатто профессионаллар ҳам орзу қилмаган жисмоний тарбия машғулотларидан ўтган. Гап шундаки, ҳақиқий курсантларга 17 ҳафта ўтиладиган интенсив машғулотлар актриса ва унинг 40 нафар ҳамкасби учун 2 ҳафтада ўргатилган.
Биринчи куни актрисанинг кўнгли айнийди, оёқларида пуфакчалар пайдо бўлади. Гарчи унга йигитлар билан тенг равишда машқ қилиш керак эмаслиги айтилган бўлса-да, у барча синовларни охиригача топширишга қарор қилади. Якунда эса Деми Мур сочини калга олиш орқали Жордан ЎНилга айланади.
Натали Портман
“Қора оққуш” фильмидаги роли учун актриса ҳар куни бир неча соат балет билан шуғулланган ва бир неча километр сузган. У, шунингдек, кросс-тренингга ҳам қатнашган — мушакларига ишлайдиган машқлар.
Актриса баллерина қоматига эга бўлиб, 9 кило вазн йўқотган бўлса-да, унда қадоқлар пайдо бўлади, оёқ тирноқлари, ҳатто қовурғасини ҳам синдириб олади.
Жейк Жилленхол
Сюжетга кўра “Эверест” картинасидаги воқеалар денгиз сатҳидан 8,5 км баландликда содир бўлиб, у ерда одамлар кислород етишмаслигини бошдан кечиради. Бу қандай эканлигини тушуниш учун Жейк Жилленхол ҳамкасби актёр Жош Бролин билан симуляторда шунга ўхшаш шароитни синаб кўришга қарор қилади.
Улар 8 дан 10 км гача баландликда бўлиб, симуляторда зарур бўлгандан кўра кўпроқ қолишга қарор қилишади, чунки уларга экстремаллик ёқарди. Аммо 3 кун ўтгач, актёрлар қаттиқ депрессияга тушиб қолади.
Метю Макконахи
Метю газак ўрнига муз бўлакларини ейди. Вазн йўқотгач эса ўзини ҳар қачонгидан ҳам бақувватроқ ҳис қилади ва ҳатто одатдагидан 3 соат кам ухлайди.
Женнифер Энистон
“Торт” (2014) фильмида Женнифер касалманд аёл ролини ўйнайди. Сурункали оғриқ синдроми бўлган бир неча дўстлари унинг характерини тушунишга ёрдам беришади. Актриса елкалари қимирламайдиган корсет кийган, бу уни текис юришга мажбур қилган. Корсетни 5 ҳафта мунтазам кийишдан сўнг, унинг ўзи оғриқни бошдан кечира бошлайди.
Аммо бир неча килога семириш зарурати актрисани умуман ташвишга солмаган. У фақат бир неча ой машғулотлардан воз кечиб, диетага қатъий риоя қилишни тўхтатди.
Изоҳ (0)