Машҳур бўлиш бу — совриндор бўлиш дегани эмас. Кўп йиллик меҳнат ва катта машҳурликка қарамай, уларнинг баъзилари ҳеч қачон “Эмми” мукофотига сазовор бўлмаган. Баъзида ҳакамлар ҳайъатининг қарорларидан сўнг ғолиблар қандай тамойил асосида аниқланади, деган савол туғилади. Нуфузли мукофотга эга бўлмаган таниқли юлдузлар ҳақида.
Эмилия Кларк
Актриса 2013, 2015, 2016 ва 2019 йилларда “Тахтлар ўйини” фильмидаги Дейенерис Таргариен роли учун “Эмми” мукофотига номзод сифатида кўрсатилган, лекин унга омад кулиб боқмаган.
Кортни Кокс
Ажабланарлиси, Кортни “Дўстлар” сериалидаги бешликдан ўн мавсум давомида ҳам “Эмми” мукофотига номзод бўлмаган ягона актрисадир. Фақатгина 2021 йилда Телевидение академияси уни бошқа “Энг яхши комедия дастури” номинациясига лойиқ кўрган.
Хью Лори
Мукофотга эга бўлмаган юлдузларнинг кўпгина ажойиб роллари бор. Актёр саккиз марта “Эмми” номинациясидан жой олган, лекин бирон марта ҳам ғолиб бўлмаган. Доктор Хаус айтганидек, “Раҳмат сўзининг акси нима?”
Кейли Куоко
Актрисанинг “Катта портлаш назарияси” фильмидаги ҳамкасби Жим Парсонс Шелдон роли учун тўрт марта “Эмми” мукофотини қўлга киритган бўлса, Кейли Пенни роли учун мукофотга номзод сифатида ҳам кўрсатилмаган.
Кид Ҳарингтон
Актёр “Тахтлар ўйини” фильмидаги Жон Сноу роли учун икки марта “Эмми” мукофотига номзод сифатида кўрсатилган, лекин ғолибликни қўлга киритганича йўқ.
Меттью Перри
Марҳум актёр “Дўстлар” сериалидаги Чендлер Бинг роли фақатгина битта номинацияга киритилган, лекин ғолиб бўлиш насиб қилмаган. “Ғарбий қанот” сериалидаги ва “Рон Кларкнинг ҳикояси” фильмидаги иштироки ҳам мукофот учун лойиқ кўрилмаган.
Эми Адамс
Олти карра “Оскар” мукофотига сазовор бўлган актриса 2019 йилда “Ўткир предметлар” фильмидаги роли учун “Эмми” мукофотига даъвогарлик қилади, лекин якунда ғолибликни қўлга кирита олмайди.
Стив Карелл
Стив Карелл “Офис” фильмидаги Майкл Скотт роли учун олти марта номзод бўлган, бироқ ҳеч қачон ғолиб чиқмаган. Умид қиламизки, комедия устасининг ғалабалари ҳали олдинда.
Дэвид Швиммер
Актёр 1995 йилда “Дўстлар” сериалининг биринчи мавсумида Росс роли учун “Эмми” мукофотига номзод бўлган, лекин мукофотни қўлга кирита олмаган. Актёр 2016 йилда “Америка жиноят тарихи” фильмида Ким Кардашяннинг марҳум отаси Роберт Кардашян роли учун яна бир марта номинациялар қаторидан жой олган, афсуски бу сафар ҳам унга ғолиблик насиб қилмаган.
Мэтт Леблан
Актёр етти марта нуфузли мукофотга номзод сифатида кўрсатилган. Шулардан учтаси “Дўстлар” фильмидаги Жоу роли учун ҳисобланади. Унга ҳам “Эмми”ни олиш насиб қилганича йўқ. “Дўстлар” фильмидан Лиза Кудроу ва Женнифер Энистон телевидение мукофотини қўлга киритган ягона асосий актрисалар ҳисобланади.
Изоҳ (0)