Нетаньяху АҚШнинг Фаластин давлатини тузиш ташаббусини очиқчасига рад этди. У Фаластин давлатини яратиш ғояси Исроил хавфсизлиги билан тўқнаш келишини айтди.
“Нетаньяхудан кейинги кун ҳақида гапираётганлар, аслида Фаластин маъмурияти билан Фаластин давлатини барпо этиш ҳақида гапирмоқда, улар айнан шуни гаплашмоқда. Сизга шуни айтмоқчиманки, бугун Нетаньяхудан кейинги кун эмас, балки Исроил фуқароларининг кўпчилигидан кейинги кун. 30 йил давомида мен жуда собит бўлиб келдим ва оддий нарсани айтаман — бу можаро Фаластин давлатининг йўқлиги эмас, балки яҳудий давлатининг мавжудлиги масаласи”, — деб таъкидлади у.
Нетаньяху Исроил “хавфсизлигига зиён етказадиган” ҳаракатларга бош вазир сифатида “йўқ” дейишини айтди:
“Келажакда қандай келишув бўлмасин, Исроил Иорданнинг ғарбий қисмидаги барча ҳудудда хавфсизлик назорати ўрнатилишига муҳтож. Бу зарурий шарт ва у суверенитет ғояси билан тўқнашади. Шунда сизнинг қўлингиздан нима келади? Мен бу ҳақиқатни америкалик дўстларимизга айтяпман. Мен Исроил хавфсизлигига зиён етказадиган ҳақиқатни бизга сингдиришларига уринишни тўхтатдим. Бош вазир иттифоқчиларга “йўқ” дейишни билиши керак – заруратга қараб “йўқ” ёки “ҳа” дея олиши керак”.
Кўпгина давлатлар, шу жумладан, АҚШ минтақада барқарор тинчлик ўрнатишнинг ягона йўли икки давлат — Исроил ва Фаластин давлатларининг мавжудлиги бўлишини таъкидламоқда.
Изоҳ (0)