Ўзбекистон ҳеч кимга қарам бўлмайдиган иқтисодни ривожлантиришга қаратилган мустақил сиёсат олиб бормоқда. Бу ҳақда бугун, 19 январь куни бўлиб ўтган Сенатнинг қирқ тўққизинчи ялпи мажлисида Олий Мажлис Сенати раиси Танзила Норбоева айтиб ўтди.
Бугунги мураккаб даврда мамлакатимизда мустаҳкам, барқарор ва ҳеч кимга қарам бўлмайдиган иқтисодни ривожлантиришга қаратилган том маънодаги мустақил сиёсат олиб борилмоқда.
Давлатимиз раҳбари бошчилигида амалга оширилаётган бу ишлар халқимиз томонидан тўлиқ қўллаб-қувватланаётганининг гувоҳи бўлмоқдамиз.
Бундай шароитда барчамиз жипслашишимиз, халқимизни ҳаётдан рози бўлиб яшаши учун якдиллик билан, самарали меҳнат қилишимиз ҳар қачонгидан муҳимроқ ҳисобланади, — деди Сенат раиси.
Қуролли кучлар олий бош қўмондони Шавкат Мирзиёев раислигида 12 январь куни Хавфсизлик кенгашининг Қуролли кучлар ва ҳарбий-маъмурий секторларнинг 2023 йилдаги фаолияти якунлари ва яқин истиқболга мўлжалланган вазифалар муҳокамасига бағишланган кенгайтирилган йиғилишида глобаллашув жараёнлари ҳамда одамлар, айниқса, ёш авлоднинг қалби ва онги учун кураш кучайиб бораётган ҳозирги ўта мураккаб шароитда ҳарбий-ватанпарварлик руҳидаги тарбиянинг ўрни ва аҳамияти тобора ортиб бораётгани таъкидланган эди.
Изоҳ (0)