Олмаотада 16 январь куни кечқурун бошланган қор 17 январь куни эрталаб 19 сантиметрга етди. “2GIS” гес-сервиси маълумотларига кўра, шаҳар кўчаларида эрталабдан 9-10 балл тирбандлик кузатилган.
Олмаота ҳокимлиги маълум қилишича, қордан тозалаш ишлари кеча-кундуз давом этмоқда.
“Тунда 421 та махсус техника ишлаган бўлса, эрталаб 425 та махсус техника, жумладан 146 та қум сепувчи ва 1 143 нафар йўл ишчилари жалб қилинган. Соат 02:30 дан бошлаб йўл-патрул хизмати автомашиналари ҳамроҳлигида 13 та колонна қордан тозаланди”, — дейилади ҳокимлик матбуот хизмати хабарида.
Эрталаб соат бешдан бошлаб шаҳарда пиёдалар йўлаклари қордан куралмоқда, автобус бекатлари, йўл ўтказгичлар тозаланмоқда.
Изоҳ (0)