Украина оммавий ахборот воситалари маълумотига кўра, Азов денгиз устида Россиянинг А-50 жосус самолёти уриб туширилган ва Ил-22М бомбардимончи самолётига жиддий зарар етказилган. Дастлаб бу ҳақда маълумот 15 январь, душанбага ўтар кечаси Украина Олий радаси депутатлари Юрий Мисягин ва Александр Федиенковнинг Telegram-каналларида пайдо бўлди.
“А-50 уриб туширилди, Ил-22 га зарар етказилди, иккинчиси ҳавода эди ва энг яқин аэродромга боришга уринди, лекин у Керч ҳудудида пасайишни бошлаганидан кейин радарлардан ғойиб бўлди”, деди Олий раданинг мудофаа масалалари қўмитаси раҳбари ўринбосари Юрий Мисягин.
Кейинчалик, Украина Қуролли Кучлари бош қўмондони Валерий Залужний Азов денгизи осмонида Россиянинг А-50 ва Ил-22 самолётлари уриб туширилганини маълум қилди.
Россия мудофаа вазирлиги самолётга берилган зарбалар ҳақидаги маълумотга расман изоҳ тақдим этмади. Россия мудофаа вазирлигига яқин бўлган “Рйбар” Telegram-канали воқеанинг версияларидан бири сифатида Россия ҳаво мудофаа тизимидан “дўстона нишонга олиш”ни келтирди.
А-50 — узоқ масофали радиолокацион аниқлаш ва бошқариш совет самолёти. У радарни олиб юради ҳамда зарбаларни тайёрлаш ва душман ҳужумларининг олдини олиш учун олдинги разведкада ишлатилади. Расмий маълумотларга кўра, Россияда бундай самолётлар сони 10 дан кам. Битта А-50 нинг нархи 330 миллион долларга баҳоланади.
Изоҳ (0)