Озарбайжон пойтахти Бокуда мебел ишлаб чиқариш устахонасида кучли портлаш юз берди. Бу ҳақда Республика Тиббиёт ҳудудий бирликларини бошқариш уюшмаси (ТƏBİB) матбуот хизматига таяниб, “РИА Новости” хабар бермоқда.
Воқеа Биногади тумани Абай Кунанбоев кўчасидаги устахонада содир бўлган. У ҳақдаги маълумотлар Республика тез тиббий ёрдам ва шошилинч тиббий ёрдам марказига келиб тушган. Фавқулодда ҳодиса жойига зудлик билан 15 та тез ёрдам бригадаси юборилди.
“Baku TV” хабарига кўра, портлаш оқибатида камида икки киши ҳалок бўлган, ўнлаб одамлар яраланган. Воқеа жойига полиция етиб келган.
Аввалроқ Қозоғистоннинг Уралск шаҳридаги кафеда газ портлаши оқибатда ёнғин чиқиб, бино қулаб тушганди. Шунингдек, Либерия марказида бензин ортилган автоцистерна портлаб, камида 40 киши ҳалок бўлгани, ўнлаб одамлар жароҳатлангани ҳақида хабар берилган.
Изоҳ (0)