Қашқадарё вилоят адлия бошқармасининг кўмаги билан 8 январь куни “Ғузор тандир гўшти” географик кўрсаткич сифатида Адлия вазирлиги томонидан давлат рўйхатидан ўтказилди. Бу ҳақда Адлия вазирлиги Интеллектуал мулк департаменти матбуот хизмати хабар берди.
Қашқадарё вилоятида биринчи бўлиб давлат рўйхатидан ўтказилган ушбу географик кўрсаткичдан фойдаланиш ҳуқуқини тасдиқловчи гувоҳнома унинг эгаси, яъни Ғузор туман ҳокимлигига гувоҳномада кўрсатилган товар турига нисбатан фойдаланиш ҳуқуқини беради.
Мазкур географик кўрсаткич гувоҳномаси вилоят адлия бошқармаси бошлиғининг биринчи ўринбосари А.Исоқов томонидан Ўзбекистон Қуролли Кучлари ташкил этилганининг 32 йиллиги тадбири доирасида Ғузор туман ҳокими Бекзод Суюновга тантанали равишда топширди.
Туман ҳокимлиги матбуот хизмати хабарида қайд этилишича, географик кўрсаткичлар сонининг ошиши ҳудудларда туристик оқимнинг кўпайишига, “гастрономик туризм”ни ривожлантиришга ва умуман, ҳудудларнинг туристик жозибадорлигини оширишга ёрдам беради.
Ўзбекистонда бундан аввал “Ғиждувон шашлик”, “Зомин тандир гўшти”, “Марғилон адраси” ва “Қўқон пичоқлари” патентланганди.
Изоҳ (0)