Фармацевтика тармоғини ривожлантириш агентлигининг “Док-1 Макс” сиропи бўйича судланаётган собиқ раҳбари С.К.га нисбатан суд тиббий экспертизаси тайинланди. Бу ҳақда суднинг 12 январь куни давом этган навбатдаги мажлисида маълум қилинди.
Судланувчининг адвокати Темур Раҳматов суд ҳайъатига илтимоснома киритиб, С.К.нинг тергов давомида қийноққа солингани, ғайриқонуний тарзда сўроқ қилиниб, руҳий ва жисмоний босимларга учраганини айтди. Ҳамда ҳолатни суд тиббий экспертизаси орқали аниқлаштиришни илтимос қилди.
Суд айбланувчи адвокатининг бу ҳақдаги сўровини қаноатлантирди. Ва тиббий экспертиза 15 январь куни ўтказилишини белгилади. Шунингдек, суд тиббий экспертизаси экспертларига бир қатор саволларга жавоб топиш мажбуриятини қўйди.
Собиқ амалдор суднинг аввалги мажлисида тергов давомида унга нисбатан руҳий ва жисмоний босимлар бўлганини маълум қилганди.
Изоҳ (0)