Бугунги кунда республика бўйича 2 131 та масжид фаолият юритмоқда. Бу ҳақда АОКАда ўтказилган брифингда Дин ишлари бўйича қўмита ахборот хизмати раҳбари Илҳом Маърупов маълум қилди.
Илҳом Маъруповнинг айтишича, 2023 йилда 13 та янги масжид давлат рўйхатидан ўтказилган, 82 та масжидда тубдан қайта қуриш ҳамда 43 та масжидда таъмирлаш ишлари якунланган.
“Айни пайтда республикамизда 197 та ноисломий диний ташкилот фаолият юритмоқда. 2023 йилда Ангрен шаҳрида католик черкови давлат рўйхатидан ўтказилди. Конфессиялар вакилларининг 50 дан ортиқ республика ва халқаро тадбирларда иштироки таъминланди. Шунингдек, уларга 14 та диний байрамларини ўтказишда амалий ёрдам кўрсатилди”, — деди ташкилот вакили.
Қўшимча қилинишича, ўтган йили ўзбекистонликларнинг 15 минг 150 нафари ҳаж, 43 мингдан ортиқ зиёратчи умра амалини адо этган.
Аввалроқ 2023 йилнинг август ойида мамлакатда жами 2125 та масжид ва 197 та ноисломий диний ташкилот фаолият олиб бораётгани хабар қилинганди.
Изоҳ (0)