Одам савдоси жиноятини содир этганликда айбланиб, қидирувда бўлган ўзбекистонлик аёл Истанбулда ушланди, деб хабар бермоқда Бош консулхона ахборот хизмати.
Маълум қилинишича, Ўзбекистон ва Туркия Ички ишлар вазирликлари ҳамкорлигида ўтказилган тезкор тадбир давомида қўлга олинган, халқ орасида “Мадам Клод” тахаллуси билан танилган, одам савдоси жиноятини содир этганликда айбланиб, Ички ишлар вазирлиги томонидан қидирувда бўлган Мирханова Нилуфар 10 январь куни Ўзбекистоннинг Истанбул шаҳридаги Бош консулхонаси ходимлари иштирокида Истанбул халқаро аэропотидан Ўзбекистонга депортация қилинди.
Ушбу шахснинг хатти-ҳаракатларидан жабр кўрган фуқаролардан Ўзбекистоннинг Истанбул шаҳридаги Бош консулхонасига ёки Ички ишлар вазирлигига мурожаат қилиш сўралган.
Изоҳ (0)