Германия Қуролли кучлари объектлари устида мунтазам равишда номаълум дронлар парвози кузатилмоқда. Бу ҳақда Bild хабар берди.
Маълум қилинишича, ҳарбий объектлар жойлашган ҳудудларда ҳар ҳафта дронлар пайдо бўлади ва бу ҳолат бир йилдан кўпроқ вақт давомида кузатилмоқда. Хусусан, 2022 йил октябрь ойида, кейинчалик Германия Қуролли кучлари бош инспектори лавозимига тайинланган генерал Карстен Бреер зудлик билан ҳарбий полициячиларга HP47 мобил электрон уруш қурилмасидан дронларга қарши курашиш бўйича ўқитишни буюрган.
Ушбу чора-тадбирлар муаммони ҳал қилмади, шунинг учун 2023 йил ноябрь ойи ўрталарида Германия Қуролли кучларида ноқонуний дронлар парвозларига қарши курашиш учун тезкор гуруҳ ташкил этилди. Гуруҳ иш бошлагани бўйича маълумот мавжуд эмас. Германия Мудофаа вазирлиги гуруҳ ўз фаолиятининг айрим жиҳатлари бўйича мамлакат Ички ишлар вазирлиги билан келишиб олиши кераклигини билдирмоқда.
Дронлар кўпинча украиналик ҳарбийлар ўқитиладиган полигонлар устида пайдо бўлади. Хусусан, Озод демократик партиянинг мудофаа масалалари бўйича эксперти Маркус Фабер нашрга бу ҳақда шундай деди:
“Дронлар мунтазам равишда Бундесвер украиналикларини ‘Леопард-1’дан фойдаланишга ўргатаётган Клитс ҳарбий полигонида кўриниш беради. Бошқа базаларда баъзан бир вақтнинг ўзида бир нечта дронлар ҳаво ҳудудига киради.
Фабер, немис ҳарбийлари сингари, дронлар ортида Россия турган бўлиши мумкин, деб ҳисоблайди, аммо бу версиянинг тасдиқланмаган.
Изоҳ (0)