АҚШ Мудофаа вазири Ллойд Остин тиббий муолажадан кейин юзага келган асоратлар туфайли касалхонага ётқизилди, деди Пентагон матбуот котиби Патрик Райдер.
Остин 1 январь куни “одатий тиббий муолажа”дан келиб чиққан асоратлар туфайли касалхонага ётқизилган. Бошқа тафсилотлар келтирилмаган, вазирнинг ўзи вазиятга изоҳ бермаган.
“У тузалмоқда ва бугун тўлиқ вазифаларига қайтиши кутилмоқда”, — дейилади 5 январдаги хабарда.
2022 йил август ойида Остин коронавирус билан касалланган эди. У COVID-19 учун тест натижалари мусбат чиққани ҳақида хабар берган ва беш кун давомида уйда қолишини қўшимча қилган.
70 ёшли Остин 2021 йилнинг январида Пентагон раҳбари лавозимини эгаллаган эди. У мамлакат ҳарбий вазирлигини бошқарган биринчи афроамерикалик бўлди.
Изоҳ (0)