Ироқ 2024 йилда мамлакатга нефть маҳсулотлари импортини тўлиқ тўхтатишни режалаштирмоқда.
Бу ҳақда Ироқ нефть вазирлиги расмий вакили Асем Жиҳад маълум қилган.
“2024 йилда Ироқ маҳаллий ишлаб чиқаришга кўпроқ таянади ва бир қатор нефтни қайта ишлаш заводлари ишлаб чиқаришни йўлга қўйгандан сўнг, нефть маҳсулотлари импортини қисқартиради”, - деди у.
Ироқ маҳаллий бозордаги танқисликни тўлдириш учун баъзи нефть маҳсулотларини, жумладан сифатли бензинни импорт қилишда давом этади.
Ироқ Бош вазири Муҳаммад Шиа ал-Суданий ўтган йилнинг 1 апрелида унинг ҳукумати импортни қисқартириш учун нефтни қайта ишлаш заводларининг ишлаб чиқариш қувватини оширишга катта аҳамият беришини айтганди.
Изоҳ (0)