Фарзанд туғилиши нафақат ота-она учун, агар улар юлдуз бўлса машурларнинг мухлислари учун ҳам катта қувончдир. 2023 йил бу борада анча самарали кечди — бир қанча туркиялик таниқли актёрлар ота ва она бўлди.
Фаҳрие Эвжен ва Бурак Ўзчивит
2023 йил 18 январда энг машҳур турк оиласида узоқ кутилган воқеа юз берди. Булент Урман бошқарадиган Америка госпиталида Фаҳрие Эвжен иккинчи ўғлини дунёга келтирди. Чақалоқ ўз вақтида туғилди. Бурак Ўзчивит иккинчи меросхўрига Керем деб исм қўйди. Интервьюларида Эвжен уларнинг тўнғич ўғли Каран ота-онасини бир оз қизғаниши, аммо укасини ёмон кўрмаслигини айтади. Шу пайтгача юлдуз ота-оналар Керемнинг юзини кенг оммага кўрсатмаган.
Асли Энвер
2023 йил 3 июль куни Асли Энвер Туркиядаги кўп тармоқли клиникалардан бирида қиз фарзандини дунёга келтирди. Чақалоққа Элай исми қўйилди. Эътиборлиси, турк актрисаси Англияда туғишини бир неча бор айтган эди. Аслининг турмуш ўртоғи Беркин Гўкбудағ ҳам ўша ерни танлашганини таъкидлаганди. Энвернинг ўзи бу миш-мишларни тасдиқламади, бироқ инкор ҳам қилмади. Бироқ Элай Туркияда, шифокор Танер Уста бошқарадиган тиббий муассасада туғилди.
Каан Урганжиўғли
21 июнь куни турк сериаллари мухлислари яна бир хушхабардан ҳайратга тушди. Машҳур турк актёри Каан Урганжиўғли ўзининг севгилиси Буржу Денизер билан турмуш қурди. 9 декабрь куни эса турк клиникаларидан бирида уларнинг биринчи фарзанди дунёга келди. Актёр рафиқасининг туғуруқ дарди суратга олиш майдончасида бошланганини тан олади. Энг муҳим дақиқада у Буржунинг ёнида бўлиб, унинг қўлидан ушлаб турган. Урганжиўғлининг қайд этишича, шахсий иштирокига қарамай, ўша пайтда ўзини фильм томоша қилаётгандек ҳис қилган. Жуфлик чақалоққа Ардиш деб исм қўйди.
Али Алтай ва Хазал Кая
“Марал” ва “Тақиқланган севги” сериаллари юлдузи фарзандини муддатидан олдин дунёга келтирди. Шифокорларнинг фикрича, бунга кучли стресс сабаб бўлган. Гап шундаки, ҳомиладорликнинг сўнгги ойида Али Алтайнинг рафиқаси зилзила қурбонларига фаол ёрдам берган. Натижада 11 февраль куни қизи Лейла Сурея муддатидан аввал туғилди. Эрта туғилганига қарамай, чақалоқ мутлақо соғлом дунёга келган. Қизалоқ юлдузли жуфтликнинг иккинчи фарзанд ҳисобланади — 2019 йилнинг ноябрь ойида ўғли Фикрет дунёга келган.
Изоҳ (0)