“Ўғлимнинг юраги нотўғри операция қилинган, энди Ҳиндистонга боришимиз керак” — сурхондарёлик ота олти яшар ўғлини даволатиш учун халқдан ёрдам сўрамоқда (видео)

“Меҳридарё” лойиҳасига Сурхондарё вилояти, Олтинсой туманида яшовчи Низомиддин Жумаев мурожаат қилиб, юрак нуқсони билан туғилган ўғлининг операцияси учун халқдан ёрдам сўради.

— Ўғлим Муҳаммадали Абдураимов туғма юрак нуқсони билан туғилган. Уч ёшида Тошкентда 75 млн сўмга операция қилдирдим. Аммо шифокорлар операция муваффақиятсиз ўтганини айтяпти. Ўзим деҳқончилик билан шуғулланаман, аввалги операциясида ҳам таниш-билишлардан қарз олишга мажбур бўлганман. Тошкентлик шифокорлар қайта операция қилсак, натижасига жавоб беролмаймиз, дейишди. Шу боис, уларнинг маслаҳати билан Ҳиндистонга олиб бормоқчимиз. У ердаги операция харажатлари 6 500 АҚШ доллари экан. Бундан ташқари, йўл ва меҳмонхона харажатлари ҳам бор. Ҳозир қўлимда 3 000 АҚШ доллари бор, қолганига қўлимиз калталик қилаяпти.

Олти ёш боланинг юрагидаги оғриқлар ниҳоятда кучли, тез чарчаб қолади, ҳамма болалар сингари бемалол ўйнаб-кулолмайди. 

Эркак киши учун ёрдам сўраш, дардини бировга айтиш қанчалик оғир эканини биласиз. Аммо иложсизман, боламни тезда операция қилдирмасак, унинг аҳволи янада оғирлашиши мумкин. Агар имконим бўлганида ҳеч кимдан ёрдам сўрамасдим, — дейди беморнинг отаси Низомиддин Жумаев.

Муҳаммадали Абдираимовга хайрия қилишни истасангиз,

9860 0803 5208 9884

8600 0610 0623 7233

Ёлдошева Зебинисо (онаси)