“ПСЖ” 2024 йилнинг ёзида Килиан Мбаппе кетиши мумкинлигини инкор этмаяпти.
Аввалроқ, “Реал” франциялик футболчи 15 январга қадар келажагига ойдинлик киритишини хоҳлаётгани хабар қилинганди.
L’Equipe нашрининг маълум қилишича, Мбаппе Чемпионлар Лигаси 1/8 финали “Реал Сосьедад”га қарши баҳсдан олдин (14 февраль ва 5 мартда бўлиб ўтади) келажаги борасида якуний қарорни қабул қилмоқчи. Париж клуби ҳужумчиси Евро—2024 мусобақасига хотиржам тайёргарлик кўришни хоҳлаяпти.
“ПСЖ” Килиан шартномани узайтиришига ишонмоқда ва футболчининг вакиллари билан бир нечта учрашув ўтказишни режалаштирмоқда. Шу билан бирга, унинг кетиши мумкинлиги ҳам ҳисобга олиниб, унга ўринбосар қидириш ишлари бошланган.
Изоҳ (0)