Қозоғистоннинг Тараз шаҳрида йўл-транспорт ҳодисаси содир бўлди — автобус қарама-қарши йўналишга чиқиб, ўнта машинани уриб кетди. Бу ҳақда Қозоғистон ОАВ маҳаллий ҳокимиятга таяниб хабар берди.
![](/static/2024/01/04/2381248.5d57903f0a05e9f7f9cfdbe5d1c396ba-5_Vd_AiQ.jpg)
Бахтсиз ҳодиса 4 январь куни соат 10:48 атрофида содир бўлган. Тўқнашув вақтида автобусда ўн нафар йўловчи бўлган. Улардан бири 56 ёшли аёл тан жароҳатлари билан касалхонага ётқизилган.
Автобус ҳайдовчисига нисбатан дастлабки тергов ҳаракатлари бошланди.
4 январга ўтар кечаси Қозоғистоннинг Уралск шаҳридаги кафеда газ портлаганди, оқибатда ёнғин чиқиб, бино қулаб тушган. Портлашда икки киши ҳалок бўлган.