Тейлор Свифт Billboard 200 мусиқий чартида яккахон ижрочи томонидан энг кўп ҳафта ўтказган Элвис Преслининг рекордини янгилади.
Яқинда Свифтнинг 1989 альбоми бешинчи марта чартда биринчи ўринни эгаллади. Хонанданинг лойиҳалари Billboard 200 нинг энг юқори поғонасида ўтказган умумий вақти ҳозирда 68 ҳафтани ташкил этади, бу аввалги рекордчи Элвис Преслидан бир ҳафтага кўп дегани.
Фақат яккахон ижрочиларни эмас, барча мусиқачиларни ҳисобга оладиган рейтингда Свифт иккинчи ўринни эгаллади. Мутлақ пешқадам The Beatles гуруҳи бўлиб қолмоқда, унинг альбомлари 132 ҳафта давомида чартда биринчи ўринни эгаллаган.
Декабрь ойида Тейлор Свифт Гиннеснинг рекордлар китобига тарихдаги энг даромадли концерт гастроли ташкилотчиси сифатида кирган эди. Хонанда биргина Eras гастролларининг дастлабки 60 тасида 1 миллиард доллар ишлаб топган. Умумий фойда эса 2 миллиард долларни ташкил қилиши кутилмоқда.
Изоҳ (0)