Исроил ҲАМАСнинг гаровга олинганларни озод қилиш бўйича янги келишув таклифини рад этди, деб хабар бермоқда Axios уч манбага таяниб. ҲАМАС вакиллари таклифни Исроил томонига воситачилар – Қатар ва Миср орқали етказган.
Axios ёзишича, таклиф уч босқичли битимдан иборат эди. Уларнинг ҳар бири Ғазо секторида гаровга олинганларни ва Исроил қамоқхоналарида сақланаётган фаластинликларни озод қилиш эвазига бир ойдан ортиқ оташкесимни таклиф қилади.
Учинчи босқични амалга ошириш учун, манбаларнинг таъкидлашича, жанговар ҳаракатларни тўхтатиш керак, шундан сўнг ҲАМАС нафақат тинч аҳолини, балки Исроил армиясининг ҳарбий хизматчиларини ҳам асирликдан озод қилишга рози бўлади. Исроил ҳарбий ҳукумати Қатар ва Миср вакиллари билан суҳбатда бу таклифни “қабул қилиб бўлмайдиган” деб атади. Axios таъкидлашича, улар янада реал таклифни сўрашган.
Ғазо секторида 24 ноябрдан 1 декабргача вақтинчалик сулҳ амалда эди. Бу вақт ичида гаровга олинган 108 киши озод қилинди. 19 декабрь куни Исроил президенти Исхак Герцог ҳукумат ҲАМАСдан қолган гаровга олинганларни қайтариш учун Ғазо секторида навбатдаги гуманитар пауза киритишга тайёрлигини айтди.
Изоҳ (0)