Декабрь ойи — йил сарҳисоб қилинадиган палла. Ҳар қандай соҳада бўлсин, йил якунида энг яхшилар аниқланади. Қуйида йилнинг энг томошабоп 10 та мультфильмини тақдим этамиз.
“Лео” (Lео)
Мактаб ҳаёти сирларга тўла ва бу фақат дарсга тааллуқли эмас. Мультфильмдаги болалар жуда омадли, чунки синфхонанинг бурчагида деярли 75 йилдан бери яшаб келаётган ажойиб маслаҳатчи бор. Уй вазифаси ўқувчилар ва қария калтакесакнинг ҳаётини қандай ўзгартирганини билмоқчимисиз? Унда албатта бу мультфильмни кўринг.
“Ажойиб бешлик” (Fivе оn а Тreasure Island)
Ҳатто дайди итлар ҳам буюк ишларга қодир. Агар улар бўлмаганида катта спектаклни бузмоқчи бўлган ёмон одамларни ким тўхтатар эди? Қаҳрамонлар жамоаси буюк Екатеринанинг тиарасини топиб, қайтариши керак. Сизнингча, улар бу вазифани уддалай оладими?
“Элементар” (Elemental)
Бир вақтлар дунёда тўртта халқ яшаган, лекин кунларнинг бирида сув одами Уэйд гўзал Эмбернинг бошига тушди. Шу вақтдан бошлаб ҳаммаси остин-устун бўлиб кетди.
“Ака-ука супер Мариолар кинода” ( Тhе Super Маrio Bros. Моvie)
Марио ўйини ўйнаш ажойиб, лекин унинг мустақил саргузаштларини кузатиш ҳам ундан қолишмайди. Шундай қилиб, оилангизни йиғинг ва бу дурдонани томоша қилинг. Бундай мультфильмлар ҳар йили ҳам чиқавермайди.
“Ўргимчак одам: Оламлар тури” (Spider-Мan: Across the Spider-Verse)
Майлс Моралес аллақачон ўз коинотидан чиққанга ўхшайди. Энди бошқа жойларга саёҳат қилиш вақти келди. Гвен Стейси шахсан сиз учун келганида қандай қилиб рад қилишингиз мумкин? Умуман олганда, ўргимчак одам яна йўлга чиқди. Сизнингча, унинг саёҳати нима билан тугайди?
“Лайлакнинг саёҳати-2” (А Stork’s Journey)
Сизнингча, чумчуқ лайлакларнинг етакчисига айланиши мумкинми? Лекин Ричард бунга чин дилдан ишонди. Ҳақиқат баъзида мультфильмларга ҳам кириб боради. Энди у ўзи саёҳатга чиқиши ва ҳатто қушлар тўдаси ўртасидаги урушда қатнашиши керак.
“Роботлар мамлакатидан қочиш” (Booonie Bears: Guardian Code)
Бу айиқлар ҳеч қаерда келиша олмайди: циркда ҳам, космосда ҳам. Афтидан роботлар мамлакати ҳам улар учун мос келмади. Нима қилиш керак? Албатта, қочиш керак.
“Чарли ва фантастик тўртлик” (Heroes оf тhе Golden Маsk)
Имконият берилса, кўп одамлар ўзгаради. Кичкина ўғри Чарли бунинг яққол далилидир. Ўз эгасига ақл бовар қилмайдиган кучлар берадиган қадимий ниқоб уни танлаганида олдинги ҳаёти у учун эмаслигини англайди. Янгисини бошлаш вақти келди, лекин бу катта масъулият ва куч талаб қилади.
“Пойгачи ” (Rally Road Racers)
Бутун дунё сизга қарши бўлса, ҳаётда илдамлаб кетиш қийин. Жи буни жуда яхши тушунади, аммо у машҳур пойгачига чақириқ билан чиқди. Энди у машина излаши, уни профессионал ҳайдашни ўрганиши ва ғалаба қозониши керак. Ортга йўл йўқ.
“Нинза тошбақалар: мутант қирғин” (Тееnage Мutant Ninja Тurtles: Мutant Маyhem)
Бу тошбақалар аллақачон мукаммалликка интилишдан чарчаган. Уларнинг орзуси оддий яшаш, лекин буни амалга ошиши даргумон. Ахир дунё мутантлар босқинидан қутқариш керак бўлган қаҳрамонларга муҳтож. Нинза тошбақалари бўлмаса, бу вазифани ким бажаради?
Изоҳ (0)