Хоразм вилояти Урганч шаҳрида тадбиркорнинг дори воситаларини ўзлаштирган менежер аниқланди, деб хабар беради Бош прокуратура ҳузуридаги департамент.
Маълум қилинишича, департаментнинг Урганч шаҳар бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган. Текширувда фуқаро Д.А. “Ф.Л.” МЧЖнинг менежери вазифасида ишлаб келиб, тадбиркорнинг 428,7 миллион сўмлик дори воситаларини ўзлаштириш йўли билан талон-торож қилгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкент шаҳар Миробод туманида мажбурий бадал ва ижара учун ундирилган маблағни ўзлаштирган ширкат аниқлангани, Тошкент туманида МЧЖ масъуллари 2,1 млрд сўмлик кредит ва субсидия маблағларини ўзлаштиргани, Қорақалпоғистонда кўмир сотиб олиш учун ажратилган маблағларни талон-торож қилган МЧЖ раҳбарига жиноят иши очилгани тўғрисида хабар берилганди.
Изоҳ (0)