Ироқда Курдистон ишчилар партияси (КИП) жангарилари билан тўқнашувларда 12 нафар турк аскари ҳалок бўлди. Бу ҳақда Туркия Мудофаа вазирлигига таяниб, Reuters хабар берди.
Туркия ҳарбий-ҳаво кучлари 12 нафар турк аскари ҳалок бўлганига жавобан шимолий Ироқ ва Сурияда операция бошлади. Нишонга Курдистон ишчилар партияси жангарилари томонидан фойдаланилган базалар, бошпана ва нефть объектлари киритилди.
Туркия Мудофаа вазирлиги сўнгги икки кун ичида Ироқ шимолида КИП жангарилари билан тўқнашувларда 12 турк аскари ҳалок бўлганини маълум қилди. Улар 23 декабрь куни давом этаётган тўқнашувларда КИП нишонларига қарши амалиётлар ўтказиб, камида 16 КИП жангарисини зарарсизлантирган.
“Ҳозирги кунга қадар Ироқ ва Сурия шимолида 12 нафар террорчи йўқ қилинди. Уларга қарши кураш охирги террорчи йўқ қилинмагунча давом этади” — деди Туркия президенти Ражаб Тоййиб Эрдўғон.
Туркия Мудофаа вазирлиги Сурия ва Ироқ шимолидаги ҳаво ҳужумларида Курдистон Ишчи партиясининг 29 та объектига зарба берилгани ҳақида маълум қилди
“Ҳаво ҳужумларида террор ташкилоти ҳамда террорчиликда гумон қилинганлар ва уларнинг раҳбарлари томонидан фойдаланилган ғорлар, бункерлар, бошпаналар, нефть иншоотлари ва омборлар бўлган жами 29 та нишон йўқ қилинди”, — дейилади хабарда.
Изоҳ (0)