Япониянинг Исигаки оролида ноодатий дизайнга эга бўлган “Ер” (Earth) номли вилла қурилди. Унинг кўриниши айлана шаклда бўлиб, тепа қисми катта боғ майдонига эга.
Том қисми ўсимликлар билан қопланганлиги сабабли, манзара фонида уни пайқаш қийин. Битта чиқиш-кириш жойи ва яна бир нечта деталлар орқали оддий тепалик эмаслигини англаш мумкин.
Бу “кўринмас” уйнинг концепцияси Япониялик архитектор Соу Фудзимотога тегишли бўлиб, бино мамлакатнинг Окинава префектурасининг жанубий-ғарбидаги 9900 квадрат метр майдонда жойлашган.
Вилла том қисмидаги боғдан ташқари океан олдида жойлашганлиги билан ҳам ажратиб туради. Бундан ташқари, уйда сауна, бассейн, спорт зали ва яшаш учун барча қулай шароитлар бор.
Уйнинг ҳар бир жойи ташқи кўринишидан тортиб, ички қисмига қадар қувонч ва қулайлик туйғуларини уйғотиш учун яратилган.
Изоҳ (0)