Uzbekistan Airports парвоз кечиктирилганида авиаташувчи бепул тақдим этиши лозим бўлган асосий хизматлар тўғрисида маълумот берди.
Парвоз кечикиши ҳар ким билан содир бўлиши мумкин бўлган ҳолат, айниқса, ноқулай об-ҳаво шароити ёки самолётдаги техник муаммолар туфайли. Турли авиакомпанияларда йўловчиларга хизмат кўрсатишнинг турли хил шартлари бор, аммо парвоз кечиктирилганида авиаташувчи бепул тақдим этиши лозим бўлган асосий хизматлар мавжуд:
- телефон орқали бир маротаба суҳбат, электрон почта хабарини юбориш ёки бошқа алоқа усулларидан бир марталик фойдаланиш;
- кутиш вақтида ичимлик суви ва иссиқ овқат билан таъминлаш;
- агар кутиш вақти ташувчининг қоидаларида белгиланган муддатдан ошиб кетган тақдирда, меҳмонхона билан таъминлаш;
- жўнаб кетишни кутиш даврида йўловчини вақтинча яшаш жойига ва ундан олиб келиш учун транспорт билан таъминлаш;
- чиптада кўрсатилган ва ўтказиб юборилган транзит рейслари билан боғлиқ харажатларни қоплаш ёки қайта брон қилиш.
Таъкидланишича, кичик болалари (7 ёшгача) бўлган барча йўловчиларга, парвознинг кечикиш вақтидан қатъий назар, она ва бола хонасига кириш ҳуқуқи берилиши лозим.
Uzbekistan Airports авиакомпанияси парвозлар кечиктирилган тақдирда, аэропортдаги маълумот экранлари, расмий веб-сайтдаги онлайн табло ёки Telegram-бот орқали жадвал янгиланишини кузатиб боришни, шунингдек, барча саволлар бўйича авиакомпаниянинг расмий вакилларига мурожаат қилишни тавсия қилади.
Аввалроқ Қуюқ туман сабабли Ўзбекистондаги айрим аэропортлар фаолияти чеклангани тўғрисида хабар берилганди. Хусусан, Иркутск—Фарғона йўналиши бўйича рейсни амалга ошираётган S7 Airlines самолёти ноқулай об-ҳаво шароити туфайли Наманган аэропортидаги муқобил аэродромга қўнган.
Изоҳ (0)