Ўзбекистонда ҳукумат топшириғи билан давлат ташкилотларига Янги йил муносабати билан корпоратив байрамлар ўтказиш тақиқлангани ҳақида хабар тарқалди. Бош вазир матбуот котиби Бекзод Ҳидоятов буни “Дарё”га таcдиқлади.
Маълум қилинишича, барча вазирлик, идора ва бошқа давлат ташкилотлари, маҳаллий ижро этувчи ҳокимият органлари ҳамда давлат улуши мавжуд хўжалик жамиятлари ва тижорат банкларига бюджет ва ундан ташқари маблағлар ҳисобидан Янги йил байрами муносабати билан корпоратив йиғилишларни ташкил этиш ва байрам дастурхонини ёзиш тақиқланди.
Ходимлар ўз ойликлари ёки рағбат пулларидан ташкил этиши бундан мустасно.
“Бюджет пули — халқнинг пули. Унинг ҳар бир тийини ҳисобли. Халқимиз бу пулларни бизнинг ўйин-кулги қилишимиз учун бермаган” — деган бош вазир Абдулла Арипов.
Эслатиб ўтамиз, ўтган йили ҳам бош вазир топшириғи билан бюджет ҳисобидан Янги йил муносабати билан корпоратив байрамлар ўтказиш тақиқланганди.
Изоҳ (0)