Хитой шимоли-ғарбида зилзила содир бўлиб, бунинг оқибатида 100 дан ортиқ киши ҳалок бўлганди. Шавкат Мирзиёев шу муносабат билан Си Цзиньпинга ҳамдардлик йўллади.
Президент матбуот котибининг хабар қилишича, давлат раҳбари Хитойнинг Гансу ва Синхай музофотларида зилзила оқибатида ҳалок бўлганларнинг оила аъзолари ва яқинларига ҳамдардлик билдирди, жабрланганлар шифо топишини тилади.
Зилзила 19 декабрга ўтар кечаси шимоли-ғарбий Гансу провинциясида юз берганди. 6,2 магнитудали зилзила учоғи 10 километр чуқурликда, эпимаркази эса Синхай провинцияси билан чегарадан 5 километр узоқликда жойлашган.
Сўнгги маълумотларга кўра, Гансу провинциясида 105 киши, Синхайда 11 киши ҳалок бўлган. Бундан ташқари 300 дан ортиқ одам жабрланган. Хитой раҳбари Си Цзиньпин кенг кўламли қидирув амалиётини ўтказишга чақирди.
Офат зонасида сув таъминоти узилган, электр узатиш линиялари, шунингдек, транспорт инфратузилмаси объектлари шикастланган. Биргина Гансу провинциясида 4 782 та уй зарар кўрган. Расмийлар миллий зилзила фавқулодда чоралар даражасини иккинчи даражага кўтарди.
Изоҳ (0)