Исландиянинг жануби-ғарбий қисмида, Рейкянес ярим оролида бир неча ҳафта давом этган кучли зилзилалардан сўнг вулқон отила бошлади. Бу ҳақда BBC хабар берди.
Вулқон оқибатида Гриндовик шаҳридан тўрт мингга яқин одам эвакуация қилинди. Вулқон яқинида жойлашган геотермал курортлар ёпилди. Табиат ҳодисаси 18 декабрь куни кечқурун бошланган. Исландия метеорология хизмати маълумотларига кўра, вулқондаги ёриқ узунлиги тахминан 3,5 километрни ташкил қилади ва лава секундига 100 дан 200 куб метргача тезликда отилади.
Исландия пойтахти Рейкявик атрофидаги ҳудудда октябрь ойи охиридан бошлаб сейсмик фаоллик кучайган. Кузда Исландия ҳукумати Гриндавик учун ҳимоя деворларини қуришни бошлади.
Изоҳ (0)