Россия Қуролли кучлари бош штаби бош бошқармасининг (ГРУ) собиқ майори ва “Вагнер”нинг катта инструктори Нидерландия ҳукуматидан сиёсий бошпана сўради. У 2014 йилдан бошлаб Россиянинг Украинадаги “ҳарбий жиноятлари” бўйича судда гувоҳлик беришга тайёр. Бу ҳақда “Главред” хабар берди.
Собиқ ГРУ зобити Нидерландиядан сиёсий бошпана ва халқаро ҳимоя сўраган, у Халқаро жиноий суд олдида чиқиш қилиш ниятида.
“Кремль ‘халқнинг озодлик ҳаракати’ ниқоби остида кўпроқ қурбонлар ва ҳарбий ҳаракатларни буюрди”, — дейди россиялик майор.
Шу билан бирга, у Украинага қарши агрессияда иштирок этганлик учун жавоб беришга ва генерал майор Сергей Свидга, 2014–2015 йилларда Украина ҳудудида махсус операцияларни назорат қилган “ФСБ” ва Россия Мудофаа вазирлигининг юқори мартабали зобитларига қарши гувоҳлик беришга тайёр.
“Мен халқаро тергов ва судга ўзимга маълум бўлган коррупция, ҳарбий агрессия ҳамда жиноятлар фактларини айтиб бермоқчиман ва Путиннинг 2014 йилда Украинага бостириб кириш бўйича ноқонуний схемаларини ошкор қилмоқчиман”, — дейди номи ошкор этилмаган ГРУ собиқ майори.
Изоҳ (0)