Сурхондарё вилояти Бойсун туманида юк машинаси уриб юборган 4 ёшли бола ҳалок бўлди. Бу ҳақда вилоят ИИБ ЙҲХБ ахборот хизмати хабар берди.
Келтирилишича, ҳолат М-39 Тошкент—Термиз автомобиль йўлининг Бойсун тумани “Чилонзор” маҳалласидан ўтган қисмида содир бўлган. 4 декабрь куни Бойсун туманидаги 45-мактабнинг 2-синф ўқувчиси бўлган қизча 4 ёшли укасини боғчадан олиб қайтаётганда йўлнинг белгиланмаган жойидан, бетон тўсиқ устидан ўтказиб қўйган. Бола опасини кутмасдан йўлнинг қатнов қисмидан югуриб ўтган. Тўсатдан юз берган вазиятда тўхташга улгурмаган юк машинаси эса болани уриб юборган.
Оқибатда вояга етмаган 4 ёшли болакай вафот этган.
Изоҳ (0)