Дубайда дунёдаги энг қиммат пентҳаус сотилди. Унинг нархи 136 миллион долларга баҳоланди. Уй машҳур Палм-Жумейра оролида жойлашган, лекин апартаментларнинг қурилиш жараёни тўлиқ якунланмагани айтилмоқда.
Пентҳаус 71 қаватли Cоmо Residences биносида жойлашган бўлиб, 22 минг квадрат метр майдонни ўз ичига олади. Унинг қурилиш жараёни давом этмоқда. Пентҳаус булутлар устида бўлади. Cоmо Residences’нинг баландлиги 300 метрни ташкил қилади.
Ҳозирча харидор номи ошкор этилмаган, аммо у Шарқий Европадан эканлиги айтилган.
Янги осмонўпар бинодаги хонадонлар бошқача бўлади. Баъзиларида иккита ётоқхона, баъзиларида саккизта бўлади. Хонадонларнинг нархи 5,7 миллион доллардан бошланади. Пентҳаусда бўлса, бешта ётоқхона, 260 градуслик очиқ бассейн, шунингдек, унда туриб Дубайнинг диққатга сазовор жойларини кўриш мумкин бўлади.
Ташриф буюрувчилар учун барча қулайликларга эга турар-жой биноси қуриб битказилиши 2027 йилга режалаштирилмоқда.
Маълумот учун, Пентҳаус бу — кўп қаватли уйнинг энг юқори қаватидаги майдони ва ўз террасасига эга бўлган алоҳида турар жой.
Изоҳ (0)