13 декабрга ўтар кечаси Россия қўшинлари Киевга ракета ҳужуми уюштирди. Украина Ҳарбий-ҳаво кучларининг хабар беришича, пойтахт томон учаётган 10 та ракетанинг барчаси ҳаво ҳужумидан мудофаа кучлари томонидан уриб туширилди.
Киев вилояти маъмуриятининг маълум қилишича, ракета қолдиқлари келиб тушиши оқибатида, соат 06:00 ҳолатига кўра, 53 киши, жумладан, олти бола жароҳатланган.
.jpg)
Киевнинг Голосеевский туманида вайроналарнинг қулаши оқибатида хусусий уйда ёнғин содир бўлди. Деснянский туманида тўққиз қаватли турар жой биносининг еттинчи қаватида ёнғин бошланди. Уй аҳолиси эвакуация қилинди.
Днепр вилоятида портлаш тўлқини оқибатида иккита тура-жой биносининг ойналари синди. Ракета қолдиқлари тўртта хусусий турар жой биноси ва йўлга қулаган.
Киев мери Виталий Кличко хабарига кўра, энг кўп жабрланганлар Днепр вилоятида – 45 киши. 18 киши, жумладан, икки бола касалхонага ётқизилган, қолганларга жойида тиббий ёрдам кўрсатилган. Шаҳар мери ракеталардан бирининг бўлаклари шифохона ҳудудига қулагани – бир нечта бино деразалари синиб кетганини айтди. Бир киши жароҳатланган.
Днепр минтақасида ракета қолдиқларининг қулаши оқибатида сув таъминоти тармоғига ҳам зарар етган. “Украина сейчас” Telegram канали йўлни сув босгани акс этган видеони эълон қилди.
Киевга ракета ҳужумидан ташқари, 13 декабрга ўтар кечаси Россия қўшинлари Украинага Shahed типидаги камикадзе дронлари билан ҳужум қилди. Украина Ҳарбий ҳаво кучлари барча ўнта учувчисиз учоқ уриб туширилганини маълум қилди.
Россия қўшинлари 11 декабрга ўтар кечаси ҳам Киевга ракета ҳужуми уюштирганди. Саккизта ракета ҳаво ҳужумидан мудофаа тизимлари томонидан уриб туширилгани маълум қилинди. Қулаган қолдиқлар вайронагарчилик ва ёнғинларга олиб келган.
Изоҳ (0)