Россия Марказий сайлов комиссияси (МСК) президентлик сайловларида овоз беришни ҳарбий ҳолат жорий қилинган “янги ҳудудларда” ўтказишга қарор қилди. Бу ҳақда BBC хабар берди.
Россия ҳукумати Украинанинг қисман босиб олинган ҳудудларини “янги ҳудудлар” деб атамоқда. Россияда президентлик сайловлари март ойининг ўрталарида 15–17 март кунлари (уч кун) бўлиб ўтади. Ўтган ҳафта амалдаги президенти Владимир Путин сайловда иштирок этишини маълум қилди.
МСК Донецк, Луганск, Херсон ва Запорожье вилоятларида овоз бериш бўйича Россия Мудофаа вазирлиги, Федерал хавфсизлик хизмати ва “янги ҳудудлар расмийлари” билан маслаҳатлашувлар ўтказганини даъво қилмоқда. У ерда ўтган октябрь ойида Москва томонидан ҳарбий ҳолат эълон қилинган эди.
Изоҳ (0)