АҚШ давлат котиби Энтони Блинкен CNN телеканалига берган интервьюсида Россияни Украинада тўхтатиш кераклиги, акс ҳолда у НАТОни, хусусан, АҚШни можарога тортиб кетиши мумкинлигини айтиб ўтди.
Унинг қайд этишича, Украинага ёрдам ажратиш билан боғлиқ муаммолар Кремлга қўл келиши мумкин.
“Бу Украина учун мутлақо ҳаётий аҳамиятга эга. Улар ўтган йил давомида сезиларли муваффақиятларга эришди ва Россия армиясини ортга сиқиб чиқарди. Украина армияси 2022 йил февралидан бери Россия томонидан босиб олинган ҳудуднинг 50 фоиздан ортиғини қайтариб олди”, — деди Блинкен.
Аввалроқ АҚШ давлат котиби Энтони Блинкен, Украина ҳукумати ва ҳарбийлари Киевга иттифоқчилар томонидан етказиб берилган Ғарб қуролларини қаерда ва қандай шароитда қўллашни мустақил ҳал қилиш ҳуқуқига эга эканини маълум қилганди.
Изоҳ (0)