Венесуэла президенти Николас Мадуро ва Гаян президенти Муҳаммад Ирфаан Али келаси ҳафта икки давлат ўртасидаги ҳудудий келишмовчилик фонида учрашади. Бу ҳақда икки давлат бош вазирларига таяниб, Reuters хабар берди.
Икки томонлама учрашув ҳақидаги эълон Мадуро Лотин Америкаси ва Кариб ҳавзаси давлатлари ҳамжамиятининг (CELAC) муваққат президенти Гонкалвес, шунингдек, БМТ Бош котиби Антониу Гутерриш билан суҳбатлашганидан кейин эълон қилинди. Сўнгги ҳафталарда Венесуэла ва Гайана ўртасидаги таранглик Гайанадаги йирик нефть ва газ топилган Эссекибо ҳудуди бўйича узоқ давом этган чегара можароси туфайли кучайди.
Венесуэла ҳукумати ушбу учрашув “Лотин Америкаси ва Кариб денгизини тинчлик ҳудуди сифатида сақлашга бўлган садоқатимизни кучайтиради”, деди.
Гайана президенти офиси Алининг учрашувга рози бўлганини тасдиқлади, бироқ мамлакатнинг қуруқликдаги чегараси муҳокама қилинмаётганини қўшимча қилди.
Эслатиб ўтамиз, Мадуро 6 декабрь куни қўшни Гайананинг бир қисми — Эссекибони Венесуэланинг 24-штати деб расман эълон қилганди.
Изоҳ (0)