Мексика ҳукуматининг маълум қилишича, мамлакат марказий қисмидаги кичик фермерлик жамияти аҳолиси ва жиноий тўда аъзолари ўртасидаги тўқнашувда 11 киши ҳалок бўлди.
Ижтимоий тармоқларда эълон қилинган муштлашув видеосида ўроқ ва ов милтиғи кўтарган ковбой шляпаларидаги қишлоқ аҳли жиноий гуруҳ аъзоларини қувиб юргани акс этган.
Мехико штати полициясининг билдиришича, тўқнашув пойтахтдан 130 километр жануби-ғарбда жойлашган Тескалтитлан қишлоғида содир бўлган.
Полиция маълумотларига кўра, ҳалок бўлганларнинг саккиз нафари жиноий тўда аъзоси, уч нафари эса қишлоқ аҳолисидир. Полиция жиноий гуруҳ иштирокчиларининг шахсини аниқламади, аммо зўравон Мичоакан оиласи наркокартели ўн йил давомида ҳудудда ҳукмронлик қилиб келади.
Маҳаллий матбуотнинг хабар беришича, Мичоакан оиласи жангарилари қишлоқда аввалроқ пайдо бўлган ва маҳаллий фермерлардан пул ундиришган.
Мексикадаги наркокартеллар деярли ҳар қандай қонуний ёки ноқонуний бизнесдан пул ундиради, баъзан пул тўлашдан бош тортган ранчолар, фермер хўжаликлари ёки дўконларга ҳужум қилади ёки уларни ёқиб юборади.
Изоҳ (0)