Жаҳон соғлиқни сақлаш ташкилотининг (ЖССТ) Судандаги вакили Муҳаммад Тавфиқ Машалнинг айтишича, ушбу Африка давлатида ҳарбий можаро бошланганидан саккиз ой ўтиб, 12 мингдан ортиқ одам ҳалок бўлган, 33 мингдан ортиқ киши жароҳатланган.
“Суданда можаро бошланганидан деярли саккиз ой ўтди. Жанглар Хартумдан бир қанча штатларга тарқалиб, барча суданликларга, жумладан, уларнинг соғлиғига таъсир қилди ва мамлакатни гуманитар инқирозга олиб келди. Апрель ойидан бери камида 12 260 киши ҳалок бўлди ва 33 мингдан ортиқ киши жароҳат олди”, — деди Машал брифинг чоғида.
Унинг тушунтиришича, ҳозирда ЖССТнинг энг катта ташвиши Дарфурдаги вазият бўлиб, у ерда зўравонлик даражаси юқорилиги ва асосий хизматлардан фойдаланиш имконияти йўқлиги одамларни уйларини тарк этишга мажбур қилишда давом этмоқда.
Судандаги вазият апрель ойида штат суверен кенгашига раҳбарлик қилувчи армия бошлиғи Абдул Фаттоҳ ал-Бурхон ва маҳаллий тезкор ҳаракат кучлари раҳбари Муҳаммад Ҳамдан ўртасидаги келишмовчиликлар туфайли кескинлашган. Сиёсий можаро тезда кенг кўламли ҳарбий ҳаракатларга айланди.
Изоҳ (0)