Ғарбий соҳилдаги Фаластин маъмурияти АҚШ билан Ғазо секторини бошқариш бўйича урушдан кейинги режани ишлаб чиқиш устида ишламоқда. Фаластин бош вазири Муҳаммад Штайе Исроилнинг ҲАМАСни йўқ қилиш мақсадини нореал деб ҳисоблайди.
Сиёсатчининг Bloomberg агентлигига айтишича, ҳар икки томон ҳам Исроил Ғазони қайта эгалламаслиги, унинг ҳудудидан буфер зона яратмаслиги ёки фаластинликларни қувиб чиқармаслиги керак, деган фикрни маъқуллайди.
Муҳаммад Штайенинг фикрича, Исроил Фаластиннинг ҲАМАС ҳаракатини йўқ қила олмайди. Унинг фикрича, можаронинг энг яхши якуни бу гуруҳнинг Фаластин Озодлик Ташкилоти (ФОТ) ҳамкорига айланиши ва янги мустақил давлатни тиклашга ёрдам беришидир.
Агар улар келишувга ва ФОТнинг сиёсий платформасини қабул қилишга тайёр бўлса, унда музокаралар учун йўл очилади. Фаластинликлар бўлинмаслиги керак, — деб таъкидлади Штайе.
Аввалроқ Reuters агентлиги манбаларига таяниб, Исроил ҳукумати уруш тугаганидан сўнг ўз ҳудудларига ҳужумларнинг олдини олиш мақсадида Ғазо секторида араб давлатлари назорати остидаги буфер зона яратмоқчи экани ҳақида хабар берганди. Бироқ 6 декабрь куни Исроил бош вазири Биньямин Нетаньяху уруш тугаганидан кейин Исроил армияси Ғазо секторини қуролсизлантириш устидан назоратни ўзида сақлаб қолиши кераклигини айтди.
Тhе Washington Post газетасининг ёзишича, АҚШ президентининг маъмурияти уруш тугаганидан сўнг Ғазо секторига янги Фаластин миллий маъмурияти раҳбарлик қилишини истайди. Бироқ Исроил ҳукумати ҳам, фаластинликларнинг ўзи ҳам бу фикрга қарши.
Изоҳ (0)