Украина ҳукумати АҚШ Сенатининг Киевга ёрдам бериш тўғрисидаги қонун лойиҳасини маъқуллашдаги қийинчиликлари фонида Ғарб қуролларидан воз кечиб, ўз қуролларини ишлаб чиқаришни бошламоқчи, деб ёзади The Wall Street Journal.
Шу билан бирга, нашрга кўра Украинада қурол-яроғ саноатини тиклаш узоқ йилларга чўзилади ва Ғарб ишлаб чиқарувчилари бу мамлакатда энг замонавий қуролларни яратиши даргумон.
Украина стратегик саноат вазири Александр Камишин, ўз навбатида, 7 декабрь куни Украина ва АҚШ ўртасида 155 миллиметрли снарядларни қўшма ишлаб чиқаришни ташкил этиш камида икки йил давом этишини ва уни 2024 йилда ишга туширишнинг иложи йўқлигини айтди.
“Америка компаниялари билан биргаликда ишлаб чиқаришни ташкил этиш камида икки йил давом этади, шунинг учун биз 2024 йилда натижага эришишимиз ҳақида гапирмаяпмиз”, — деди у.
Камишин шунингдек, Украинада ишлаб чиқаришни жойлаштириш Америка мудофаа-саноат компаниялари учун хавф эканлигини тан олди.
Аввалроқ Reuters Киев сўраган ҳарбий техниканинг янги рўйхати билан бўлишди. Украина Мудофаа вазирлиги Қўшма Штатлардан бошқа нарсалар қаторида ТHAAD ракеталарга қарши мудофаа тизимлари, F-18 Hornet самолётлари, Аpache ва Black Hawk вертолётлари, шунингдек, C-17 Globemaster ва C-130 Hercules ҳарбий транспорт самолётларини тақдим этишни сўради. Шу билан бирга, АҚШ расмийлари Украина Қуролли кучларига янги молиявий ёрдам пакетини тақдим этиш бўйича ҳалигача келиша олмаяпти.
Изоҳ (0)