Исроил Фаластиннинг ҲАМАС ҳаракати билан янги сулҳга эришмоқчи. Бу ҳақда Исроил ҳукумати вакили Эйлон Левига таяниб, Bloomberg хабар берди.
Хабарга кўра, Ғазо секторида гаровга олинган 137 кишини қайтариш бўйича келишувга эришилса, Исроил янги вақтинчалик ўт очишни тўхтатади. Эйлон Леви 7 октябрь куни ҲАМАС томонидан гаровга олинган барча одамларни озод қилиш Исроилнинг сектордаги операциясидан мақсад бўлиб қолаётганини айтди. Исроил “уларнинг сектордан олиб чиқилиши учун вақтинчалик пауза”ни кўриб чиқиши таъкидланди.
24 ноябрдан 1 декабргача амалда бўлган сулҳ давомида ҲАМАС гаровдаги 240 дан ортиқ кишидан 110 нафарини озод қилган. Bloomberg қўшимча қилишича, Исроил бунинг эвазига тахминан уч баробар кўп фаластинлик маҳбусларни топширган. Улар орасида аёллар ва болалар мавжуд.
Сўнгги маълумотларга кўра, Исроил ҳужумлари оқибатида Ғазо секторида қурбонлар сони 15,8 минг кишига етди. Исроилликлар орасида 1,4 мингга яқин одам қурбон бўлди.
Изоҳ (0)