Исроил ҳарбийлари бугун Ғазо жанубидаги жангларда вақтинчалик танаффус бўлишини маълум қилди.
“Гуманитар ёрдам етказилишига рухсат бериш учун бугун маҳаллий вақт билан соат 14:00 гача Рафаҳ ҳудудида маҳаллий тактик пауза амал қилади”, — дейилади Исроил армияси баёнотида.
Яна бир хабарда пауза Рафаҳнинг Эл-Генейна ҳудудида амал қилиши аниқланган.
Бундай паузалар вақти-вақти билан Ғазонинг турли қисмларида эълон қилинмоқда. Яқин-яқингача Рафаҳ шафқатсиз жанглар ўтказилмайдиган, нисбатан хавфсиз ҳудуд ҳисобланарди.
Бироқ ўтган жума куни ҲАМАС билан сулҳ тугаганидан сўнг Исроил армияси Ғазонинг бу қисмида фаол ҳарбий амалиётлар ўтказа бошлади.
Изоҳ (0)