Евросиё иқтисодий иттифоқи (ЕИИ) ва Эрон ўртасидаги товар айирбошлаш ҳажми сўнгги уч йилда икки баравар ошди. Бу ҳақда Евросиё иқтисодий комиссияси савдо вазири Андрей Слепнев маълум қилди.
“Шу ойнинг охирига қадар тўлиқ форматдаги битим имзоланади, унда деярли барча савдо божсиз бўлиши белгилаб берилади, шунингдек, тарифсиз тўсиқлар ҳам қисқартирилади”, — деди Слепнев.
Шунингдек, у 2019 йил октябрь ойидан бошлаб ЕИИ ва Эрон ўртасида вақтинчалик имтиёзли савдо битими амалда бўлганини, унга кўра ўзаро савдодаги божлар чекланган товарлар ассортименти учун камайтирилиши ёки бекор қилинишини эслатди.
Эслатиб ўтамиз, ЕИҲ маълумотларига кўра, 2026 йилга бориб ўзаро савдо ҳажми 100 миллиард долларгача ошиши кутилмоқда. Бундан ташқари, эксперт прогнозларига кўра, 2024-2025 йилларда ЕИИ умумий ялпи ички маҳсулотининг ўсиш суръати мос равишда 2,5 ва 2,7 фоизни ташкил қилиши кўрсатиб ўтилган.
Изоҳ (0)